Kryetari i komunës së Gjakovës Ardian Gjini, ka pritur sot shefen e Zyrës së BE-së në Kosovë Nataliya Apostolova, me të cilën ka biseduar kryesisht për projektet e përbashkëta që komuna e Gjakovës ka me BE-në, siç janë projekti për Ngrohtoren e Re të qytetit, projekti për objektin e ri të komunës e të tjera.

Tejkalimi i parashikimit të të hyrave komunale, ka mundësuar që edhe shumë projekte infrastrukturore të realizohen edhe pse nuk kanë qenë të parapara në vitin fiskal 2019.

Organizata për Siguri dhe Bashkëpunim në Evropë(OSBE), në mbështetje të Kuvendit Komunal të Gjakovës ka organizuar sot nje punëtori në të cilën është diskutuar për harmonizimin e rregullores komunale mbi organizimin dhe funksionimin e këshillave lokale në komunën e Gjakovës.

E kryesuar nga Anton Shala, kryesues, është mbajtur sot mbledhja e 9-të me radhë e Kuvendit të Komunës së Gjakovës. Pas miratimit të rendit të ditës dhe të procesverbalit, në pikën vijuese të rendit të ditës janë zhvilluar pyetje të asamblistëve për ekzekutivin, e të cilat kryesisht kishin të bënin me projektet të ndryshme komunale.

Ndër prioritetet kryesore të Komunës së Gjakovës është krijimi i lehtësirave për ndërmarrjet e vogla, në funksion të zhvillimit të tyre. Kështu u tha gjatë një konference informuese, e cila u mbajt në kuadër të Ditëve të Biznesit të Vogël 2019.

KFOR-i italian sot ka dhuruar donacion dy karrige stomatologjike të cilat do të jenë në funksion të një preventive më të mirë dentare.

Këshilli i Veprimit Rinor Lokal, në bashkëpunim me organizatën Save the Children dhe me komunën e Gjakovës, kanë organizuar sot një sesion informues mbi Ligjin për Mbrojtjen e Fëmijëve, ligj i cili tashmë është miratuar dhe pritet të hyjë në fuqi në muajin Qershor të 2020, pasi të nxirren edhe të gjitha aktet nënligjore përcjellëse.