X
GO

Filloi rregullimi i infrastrukturës së lumit Llukac

  • 16.04.2021
  • Author: Donika Grezda
  • Numri i shikimeve: 30
  • 0 Comments
Filloi rregullimi i infrastrukturës së lumit Llukac

Sot, filloi një projekt i madh dhe i rëndësishëm për Gjakovën, siç është trajtimi i shtratit të lumit “Llukac”!

Ky projekt që pritet të ndryshojë komplet këtë pjesë të qytetit dhe t’i jep një pamje shumë më të mirë Gjakovës, parasheh rregullimin e tërësishëm të shtratit të lumit, trajtimin e ujërave të zeza, konkretisht vendosjen e kanalizimeve si dhe ndërtimin e shtigjeve të ecjes bashkë me elementet përcjellëse të gjelbërimit dhe mirëmbajtjes. “Jam jashtëzakonisht i lumtur që brenda kësaj periudhe po fillojmë ta trajtojmë edhe lumin e tretë që kalon nëpër qytetin e Gjakovës. Pjesa e “Krenës” në qendër të qytetit tashmë është e përfunduar dhe sivjet do të vazhdojmë të punojmë me “Krenën” në pjesën e epërme deri tek Tulltorja dhe në pjesën e poshtme deri tek derdhja e saj në lumin “Erenik”. Gjithashtu, sivjet do të nisim trajtimin edhe të lumit “Erenik” përgjatë tërë segmentit të rrugës “Bujar Roka”. Gjakova është me fat që ka tre lumenj që kalojnë përmes qytetit, por këta lumenjë duhet t’i ruajmë. Ata nuk duhet të jenë barrë për ne, shkaktarë të vërshimeve dhe vend për hedhjen e mbeturinave e kanalizimeve, por përkundrazi duhet të jenë aset i rëndësishëm për zhvillimin e qytetit dhe unë po ndjehem shumë mirë që jemi duke punuar fuqishëm drejt këtij synimi. E falënderoj partnerin kryesor OJQ “SHE ERA” për kontributin e madh për jetësimin e këtij projekti” u shpreh Kryetari Gjini.

Ndryshe, faza e parë e trajtimit të lumit “Llukac” përfshinë një segment prej 500 metrash, prej urës në rrugën “Petro Nini Luarasi” e deri tek ura në dalje të qytetit, drejtimi për Prizren dhe financohet nga fondet e Bashkimit Evropian përmes programit ndërkufitar IPA Kosovë-Shqipëri. Ndërkohë, komuna ka planifikuar që vitet e ardhshme të ndajë buxhet për vazhdimin dhe përfundimin e tërësishëm të këtij projekti.

 

 

 

Kryetari Gjini nderon figurën e komandantit Avdullah Babalija

  • 16.04.2021
  • Author: Donika Grezda
  • Numri i shikimeve: 22
  • 0 Comments
Kryetari Gjini nderon figurën e komandantit Avdullah Babalija
Në përvjetorin e vdekjes, Kryetari i Komunës, Ardian Gjini, ka kujtuar dhe nderuar figurën e Komandantit Avdullah Babalija. “Sot kujtojmë një njeri që i ka përjetuar plagët e luftës në betejat më të vështira. Të gjithë ne e kemi njohur Avdullah Babalinë edhe si komandant por edhe si njeri të devotshëm për punën, për familjen, për qytetin” u shpreh ndër të tjera ai. Avdullah Babalija vdiq në vitin 2015 pas një sulmi kardiak.

Fillon ndertimi i dy akseve rrugore në Zhdrellë

  • 12.04.2021
  • Author: Donika Grezda
  • Numri i shikimeve: 49
  • 0 Comments
Fillon ndertimi i dy akseve rrugore në Zhdrellë

Me përmirësimin e motit, kemi filluar implementimin e shumë projekteve në qytet dhe në fshatra!

I radhës është investimi në ndërtimin-asfaltimin e rrugëve në fshatin Zhdrellë. “Jemi në fshatin Zhdrellë ku po nisim dy akse rrugore të gjata rreth 2 km. Këto rrugë lidhin mes vete lagje të kësaj ane dhe ju krijojnë mundësi banorëve të kyqen më lehtë në infrastrukturën e përgjithshme rrugore të komunës tonë” u shpreh ndër të tjera Kryetari i Komunës, Ardian Gjini.

Zbulohet Lapidari kushtuar 20 Martirëve të 2 Prillit

  • 02.04.2021
  • Author: Donika Grezda
  • Numri i shikimeve: 102
  • 0 Comments
Zbulohet Lapidari kushtuar 20 Martirëve të 2 Prillit

Është bërë sot zbulimi i Lapidarit në nderim të 20 martirëve, të gjithë gra e fëmijë të moshave të ndryshme, të rënë me 2 prill 1999 në shtëpinë e familjes Vejsa.

Bashkë me familjarët e martirëve, zbulimin e këtij lapidari e ka bërë kryetari i komunës së Gjakovës Ardian Gjini, i cili duke rikujtuar ditët e rënda të luftës, ka thënë se masakra në familjen Vejsa është ndërsa momentet më të rënda jo vetëm për Gjakovën por edhe për tërë Kosovën. Megjithatë ai ka shtuar se të gjithë neve duhet të na bëj krenar fakti se nuk është realizuar në plotësi skenari i atyre që bënë masakra në Kosovë për zhdukjen e plotë të popullit tonë dhe sot ne me dhembje por me krenari po i përkujtojmë njerëzit tanë të dashur.

Në emër të familjarëve të martirëve, ka folur zonja Nesrete Vejsa Nuka, e cila duke falënderuar komunën e Gjakovës për realizimin e këtij lapidari, ka thënë se ky është një veprim që sadopak zbutë dhembjen e madhe të këtyre familjarëve.

 

Inaugurohet Stacioni i Transferimit të Mbeturinave në lagjen 'Ali Ibra'

  • 02.04.2021
  • Author: Donika Grezda
  • Numri i shikimeve: 97
  • 0 Comments
Inaugurohet Stacioni i Transferimit të Mbeturinave në lagjen 'Ali Ibra'

Është inauguruar sot Stacioni i Transferimit të Mbeturinave në Gjakovë, një projekt ky që përmes përpunimit të mbeturinave do të ndikojë dukshëm në përmirësimin e situatës në lagjen “Ali Ibra”.

Në ceremoninë e inaugurimit ka marrë pjesë edhe kryetari i komunës së Gjakovës Ardian Gjini dhe ministri i ministrisë së Administrimit Lokal, Elbert Krasniqi, të cilët e kanë vlerësuar lartë këtë projekt, duke shtuar se si institucionet lokale, po ashtu edhe ato qendrore, do të angazhohen që me përkrahje të vazhdueshme ta mbështesin këtë qendër dhe të ndikojnë në përmirësimin e situatës me mbeturina në komunën e Gjakovës.

Inaugurimi i Stacionit Transfer të Mbeturinave, është realizuar në kuadër të projektit “Së bashku kundër ndotjes”, është financuar përmes Programit të Bashkëpunimit Ndërkufitar Mali i Zi-Kosovë në kuadër të projektit të Asistencës për Para-Anëtarësim, ndërsa është implementuar nga organizata “Let’s Do It Peja”.

Projekti “Së Bashku kundër Ndotjes” është rezultat i përpjekjeve të përbashkëta të Komunës së Gjakovës, Let’s do it Peja, Komunës së Petnjicës/Mali i Zi, Centre for Regional Development - Rozhajë/Mali i Zi për të fuqizuar komunitetet dhe komunat për ngritjen e kapaciteteve në mbrojtjen e mjedisit dhe përmirësimin e sektorit të menaxhimit të mbeturinave.

Promovohet libri 'Krimet e Luftës'

  • 02.04.2021
  • Author: Donika Grezda
  • Numri i shikimeve: 90
  • 0 Comments
Promovohet libri 'Krimet e Luftës'

Është promovuar libri “Krime që nuk harrohen” nga autorja Mevlyde Mezini Saraqi.

Kjo vepër është monografi për krimet e luftës, si dëshmi për masakrën e ndodhur më 1 dhe 2 Prill 1999 në Bashkësinë e Parë Lokale në Gjakovë.

“Krime që nuk harrohen” u cilësua si një dritë përmes së cilës nuk do të harrojmë asnjëherë për një ndër krimet më të mëdha në luftën e fundit në Kosovë e cila morri 57 jetë të njerëzve të pafajshëm.

Hapet Gara për Gjakovë të Pastër

  • 02.04.2021
  • Author: Donika Grezda
  • Numri i shikimeve: 80
  • 0 Comments
Hapet Gara për Gjakovë të Pastër

Komuna e Gjakovë, përkatësisht sektori për Menaxhimin e Mbeturinave, ka hapur sot fushatën “Gara për Gjakovë të pastër”, aktivitet ky tashmë tradicional, që krahas angazhimit për pastrimin e lokacioneve të ndryshme në komunën e Gjakovës, synon edhe vetëdijesimin e qytetarëve për mbrojtje të ambientit.

Aktiviteti ka nisur me pastrimin e ambienteve të Stacionit Policor në Gjakovë dhe mbjelljen e 40 fidanëve në këtë lokacion.

Në nisje të fushatën “Gara për Gjakovë të pastër”, ka marrë pjesë edhe kryetari i komunës së Gjakovës Ardian Gjini, i cili mes tjerash ka thënë se është i lumtur që kjo fushatë po nisë pikërisht në ambientet e Stacionit Policor të Kosovës, një vend ky që është simbol i punës për garantimin e sigurisë së qytetarëve. Ai ka shtuar se komuna do të angazhohet që jo vetëm gjatë këtyre ditëve, por në vazhdimësi të kontribuojë për një ambient më të pastër dhe pa mbeturina.

Ndryshe, “Gara për Gjakovë të pastër” do të zgjasë deri me datën 5 maj, ndërsa është planifikuar që përgjatë tërë kësaj periudhe të zhvillohen aksione të shumta të pastrimit dhe vetëdijesimit për një ambient më të mirë.

RSS
1345678910Last

Theme picker