Investimi i radhës në zgjerimin e rrjetit të ndriçimit!

Shtyllat elektrike në rrugët "Elton Zherka", "Marin Barleti" dhe atyre në fshatin Hereq tashmë janë me llampa LED, projekt ky i cili ju ofron siguri banorëve dhe të gjithë atyre që i frekuentojnë këto zona në orët e mbrëmjes, si dhe mundëson kursim të lartë të energjisë elektrike.

Plani jonë si qeverisje komunale është që vitin e ardhshëm të finalizojmë gjithë infrastrukturën e ndriçimit në fshatra dhe qytet.

Rritja e rasteve të reja me COVID-19 është shqetësuese, prandaj është detyrë e secilit prej nesh që të vazhdojmë me kujdes të shtuar!

Gjatë takimit me Shtabin Emergjent për menaxhimin e pandemisë, Kryetari i Komunës, Ardian Gjini, apeloi tek të gjithë banorët e komunës së Gjakovës që te mbajnë distancën sociale, maskat mbrojtëse dhe higjienën personale.

Edhe një herë, ai u shpreh mirënjohës ndaj punëtorëve shëndetësorë, Policisë së Kosovës, Inspektorëve Komunalë dhe të gjithëve atyre që janë drejtëpërdrejtë në front me virusin e rrezikshëm.

Ndërkaq, Kryetari Gjini bashkë me anëtarët e shtabit kanë theksuar se kjo betejë do të fitohet nëse tregojmë kujdes duke respektuar të gjitha rekomandimet.

Përmes këtij takimi, ata kanë njoftuar që me qëllim të parandalimit të përhapjes së COVID-19, klinikat private obligohen që të gjitha rastet e pacientëve, të cilët dyshohet se janë të infektuar me COVID-19, t’i paraqesin në Institutin Kombëtar të Shëndetësisë Publike Dega në Gjakovë. Në të kundërtën do të ketë sanksione sipas ligjeve në fuqi.

Punimet për fazën e dytë të projektit për sanimin e rrugëve me kubëza në Çarshinë e Vjetër po zhvillohen në mënyrë intensive!

Përveq sanimit të rrugëve, ky projekt përfshin edhe instalimin e rrjetit të ri të ujësjellësit dhe zhvendosjen e kabllove elektrike në rrjetin nëntokësor.

Ecuria e këtyre punimeve dhe e shumë të tjerave në zhvillim e sipër, inspektohet çdo ditë nga Kryetari i Komunës, Ardian Gjini.

Punimet për zgjerimin e rrugës 'Bardhyl Çaushi' drejt përfundimit.

Brenda një kohe të shkurtër, do ta kemi në shfrytëzim një rrugë moderne me të gjitha elementet që i takojnë.

Zonë e rëndësishme e qytetit tonë, prandaj falë këtij projekti edhe qarkullimi për të gjithë ata që e frekuentojnë do të jetë më i lehtë.

Puna vazhdon!

Është mbajtur sot mbledhja e rradhës e Komitetit komunal për Komunitete, në të cilën janëdiskutuar disa pika të rendit të ditës.
Fillimisht nga ana e përfaqësuesit e Zyrës Komunale për Komunitete është dhënë raporti i punës mujore i kësaj zyre, me ç'rast janë përmendur të gjitha projektet e realizuara gjatë kësaj periudhe.
Në këtë takim është diskutuar edhe për përfundimin e procesit mësimor gjatë periudhës së pandemisë, e poashtu edhe për pjesmarrjen e komuniteteve jo shumicë në aktivitetet e organizuara nga drejtoria për Kulturë, Rini dhe Sport.b