Është mbajtur sot mbledhja e radhës e Komitetit për Politikë e Financa, në të cilën për shkak të respektimit të afateve ligjore, është prezantuar Informata e parë financiare, konkretisht për 3 muajt e parë të vitit 2020.

Kryetari i Komunës, Ardian Gjini, ka pritur në takim Zëvendës Ministrin në detyrë të Ministrisë së Punëve të Brendshme dhe Administratës Publike, Bajram Gecaj. Ata diskutuan rreth situatës së përgjithshme me COVID-19 në komunën e Gjakovës.

Për nder të dëshmorëve dhe martirëve të Çabratit, Kryetari i Komunës, Ardian Gjini me bashkëpunëtorë dhe veteranë të UCK-së në Gjakovë, kanë bërë homazhe pranë varrezave të dëshmorëve dhe martirëve si dhe në Kompleksin Memorial në Çabrat.

Kryetari i Komunës, Ardian Gjini, ka bërë homazhe pranë Memorialit të Martirëve në Mejë.

Çdo ditë të jetës, jemi mirënjohës për sakrificën e të gjithë atyre që dhanë jetën për Kosovën e lirë dhe të pavarur!

Sot, nisën punimet për zgjerimin e segmentit të rrugës “Nënë Tereza”, projekt ky që konkretisht do të realizohet nga semaforët në qendër të qytetit deri tek zona pranë Gjykatës Themelore të Gjakovës.

Kryetari i komunës së Gjakovës Ardian Gjini bashkë me përfaqësuesit e Shtabit Emergjent lokal, ka pritur sot kryeministrin në detyrë të republikës së Kosovës Albin Kurti, i cili gjatë kësaj vizite shoqërohej nga ministrat në detyrë, Arben Vitija, Hykmete Bajrami dhe Emilia Rexhepi.