Me kërkesë të Ministrisë së Mjedisit, Planifikimit Hapësinor dhe Infrastrukturës, në Gjakovë është mbajtur Debat Publik lidhur me shpronësimin e pronave të paluajtshme, që ndodhen brenda juridiksionit territorial të komunës së Gjakovës, përkatësisht për zonat kadastrale Bec, Trakaniq dhe Janosh, brenda lokacionit të Aeroportit të Gjakovës.
Në këtë debat, të pranishëm ishin edhe Drejtori për Gjeodezi, Kadastër dhe Pronë, Gjevalin Nikollbibaj dhe zyrtarë të këtij dikasteri.
Qytetarët të cilët ishin prezentë, patën mundësi që nga zyrtarët kompetentë të marrin më shumë informata rreth këtij procesi i cili është në fazën e tij fillestare.