X
GO

Komuna e Gjakovës nënshkruan memorandum për projektin pesë-vjeçar Up to Youth

  • 27.05.2020
  • Author: Dardan Krypa
  • Numri i shikimeve: 3111
  • 0 Comments
Komuna e Gjakovës nënshkruan memorandum për projektin pesë-vjeçar Up to Youth

Kryetari i Komunës, Ardian Gjini dhe Daniel Cruz, Drejtor i Up to Youth Global Comunities kanë nënshkruar memorandum bashkëpunimi për implementimin e projektit pesë-vjeçar Up to Youth.

Ky projekt është mirëpritur nga Kryetari Gjini dhe Drejtoresha për Kulturë, Rini dhe Sport, Saranda Hyseni Maloku, për faktin se përmes këtij projekti, të rinjtë e Gjakovës do të përfshihen në aktivitete të shumta, të cilat drejtëpërdrejtë do të ndikojnë në të ardhmen e tyre profesionale dhe sociale.

Ata janë shprehur mirënjohës ndaj Up to Youth Global Comunities që e kanë përzgjedhur komunën e Gjakovës për të implementuar këtë projekt, i cili do të sjellë ndryshime pozitive tek të rinjtë.

Qëllimet që do të përmbushen përmes këtij projekti janë:

🔹 Mobilizimi i rinisë për të qenë forcë e ndryshimeve pozitive.

🔹 Zhvillimi dhe demonstrimi i shkathtësive të buta/jetësore për rininë.

🔹 Zhvillimi, ndërtimi dhe mbështetja e partnerëve të qëndrueshëm për kultivimin e një mjedisi ku rinia mund të përfshihen në mënyrë pozitive dhe të dobishme.

Print
Categories: Ngjarje
Tags:

Theme picker