X
GO
News and Events
Kryetari Gjini nënshkruan marrëveshje me Odën e Hotelerisë dhe Turizmit të Kosovës 07.07.20210

Kryetari Gjini nënshkruan marrëveshje me Odën e Hotelerisë dhe Turizmit të Kosovës

Hoteleria dhe gastronomia janë shumë të rëndësishme për punësimin e qytetarëve! Sot, Kryetari i Komunës, Ardian Gjini, ka pritur në takim përfaqësues të Odës së Hotelerisë së Kosovës me të cilët edhe ka nënshkruar memorandum bashkëpunimi për arritjen e objektivave të përbashkëta në fushën e hotelierisë dhe turizmit, e në theks të veçantë bashkëpunimit për realizimin e projekteve që synojnë promovimin e pasurive natyrore dhe mundësive turistike që ka Gjakova. “Hoteleria dhe gastronomia kanë pasur një periudhë të vështirë gjatë pandemisë dhe unë jam zotuar që do të qëndrojmë afër kësaj kategorie me të gjitha kapacitetet që posedojmë si institucion” deklaroi ndër të tjera Kryetari Gjini.

Nënshkruhet marrëveshja me Klubin Rotary Keystone dhe Soroptimist International Club Gjakova 07.07.20210

Nënshkruhet marrëveshja me Klubin Rotary Keystone dhe Soroptimist International Club Gjakova

Kryetari i Komunës, Ardian Gjini, ka nënshkruar marrëveshje bashkëpunimi me Klubin Rotary Keystone dhe Soroptimist International Club Gjakova, përmes së cilit mosha e tretë, prindërit tanë do të kenë kujdesin që meritojnë. “Tashmë, Komuna e Gjakovës e ka të paraparë projektin e Qendrës Ditore për të Moshuarit. Ndërkohë, një marrëveshje si kjo e sotmja do të plotësojë edhe më shumë këtë investim, sepse ky memorandum parasheh aktivitete rekreative për të moshuarit, rrjedhimisht rritjen e cilësisë së jetës së tyre. Faleminderit Klubi Rotary Keystone dhe Soroptimist International Club Gjakova. Me lindjen e këtij bashkëpunimi, përfitues jemi të gjithë ne” u shpreh Kryetari Gjini.

Kryetari Gjini nderon me mirënjohje boksierin 12 vjeçar, Flori Tarani 05.07.20210

Kryetari Gjini nderon me mirënjohje boksierin 12 vjeçar, Flori Tarani

Kryetari i Komunës, Ardian Gjini, ka pritur në takim shpresën e boksit kosovar, 12 vjeçarin Flori Tarani. “E falenderova për krenarinë që i dhuron Gjakovës çdo vit, me suksese dhe medalje të shumta. Nuk kam asnjë dyshim që talenti dhe përkushtimi i Florit në këtë sport, do të shpërblehet me fitore të reja” u shpreh Kryetari Gjini.

Ambasada Hungareze dhuron libra për Bibliotekën e Qytetit 30.06.20210

Ambasada Hungareze dhuron libra për Bibliotekën e Qytetit

Biblioteka “Ibrahim Rugova” pasurohet me koleksionin e veprave të autorëve hungarezë, dhuratë kjo nga Ambasada Hungareze në Kosovë! “Ndihem i nderuar që këtë donacion të vlefshëm, bashkë me Drejtorin e Bibliotekës, Engjëll Berisha, e pranuam pikërisht nga Ambasadori Hungarez në Kosovë, Jozsef Bencze. Bashkëpunimi jonë i sinqertë me shtetin hungarez dhe ambasadën e saj në Kosovë do të vazhdojë edhe më tutje. Mirënjohës ndaj Ambasadorit Bencze për kujdesin dhe dashurinë për qytetin tonë, Gjakovën” u shpreh ndër të tjera Kryetari Gjini.

Vazhdon projekti 'Nisma e Komunës Mike ndaj Fëmijëve' 18.06.20210

Vazhdon projekti 'Nisma e Komunës Mike ndaj Fëmijëve'

Kryetari i Komunës, Ardian Gjini dhe Shefi i Zyrës së UNICEF-it në Kosovë, Murat Sahin, kanë nënshkruar marrëveshje bashkëpunimi për vazhdimin e projektit “ Nisma e Komunës Mike ndaj Fëmijëve”. “Një memorandum si ky, është një thirrje për gjithpërfshirje dhe llogaridhënie ndaj fëmijëve tanë, duke çuar përpara të drejtat e tyre të udhëzuara nga Konventa për të Drejtat e Fëmijëve. Si Kryetar Komune, jam gjithmonë falenderues ndaj UNICEF-it dhe Shefit Sahin për këtë memorandum mirëkuptimi dhe gjithë mbështetjen e ofruar në shumë projekte të tjera të rëndësishme për Gjakovën në tri vitet e kaluara. E falenderova atë nga zemra për gjithë mbështetjen që i ka dhënë Gjakovës dhe mbi të gjitha që është bërë një mik i dashur për komunën tonë. Ndërkohë, i urova suksese në rrugëtimin e tij të ri në karrierë” u shpreh Kryetari Gjini.

 

Fillon renovimi-rrethimi i terreneve sportive 11.06.20210

Fillon renovimi-rrethimi i terreneve sportive

Ka filluar faza e parë e projektit për renovimin–rrethimin e terreneve sportive nëpër lagje të komunës së Gjakovës. “Jam tejet i lumtur që sot nisëm një projekt i cili do të përmirësojë kualitetin e jetesës nëpër lagje dhe mbi të gjitha fëmijët tanë do të jetojnë shëndetshëm, larg teknologjisë. Fazën e parë të renovimit – rrethimit të terreneve sportive e filluam në lagjen Brekoc, për të vazhduar në ditët në vijim edhe në dy lokacione të tjera të komunës tonë. Vlera financiare e një projekti si ky nuk është e lartë në krahasim me ndikimin pozitiv që do të sjellë në lagjet tona dhe veçanërisht në masivizimin e sportit në komunën tonë. Një koncept si ky do të intensifikohet në fshat dhe qytet” deklaroi Kryetari i Komunës, Ardian Gjini.

Fillon ndërtimi i kanalizimit në Pikën e Zezë 09.06.20210

Fillon ndërtimi i kanalizimit në Pikën e Zezë

Filloi zgjidhja e një problematike të kahmotshme, pikërisht ndërtimi i rrjetit të kanalizimit në pjesën e njohur si Pika e Zezë. Me këtë projekt do të sanohet edhe kullimi i prurjeve të shumta nga Rezinat por edhe do të zgjidhet qështja me kanalizimet fekale. Me të njejtën kontratë do të kemi mundësi të ndërhyjmë edhe në një tjetër kanal problematik në Rogovë të Hasit. “Do të racionalizohemi dhe do të arrijmë të punojmë edhe me ndërtimin e rrjetit të kanalizimeve por njëkohësisht edhe me rrugë. Kjo pjesë që ka qenë një pikë e rrezikshme sidomos për fëmijët, poashtu e rrezikshme edhe për shëndetin publik për shkak të kundërmimit, shumë shpejtë do të finalizohet me sukses” u shpreh ndër të tjera Kryetari i Komunës, Ardian Gjini.

Promovohet ''Shënimet e Gjon Nikollë Kazazit'' edhe në Gjakovë 04.06.20210

Promovohet ''Shënimet e Gjon Nikollë Kazazit'' edhe në Gjakovë

Kolosi i shumë veprave, Jusuf Buxhovi promovoi në Gjakovë veprën “Shënimet e Gjon Nikollë Kazazit” në një botim të plotësuar. Paralelisht në po të njejtën ditë kjo vepër botohet e përkthyer në italisht pikërisht në Romë. “Mbaj mend që për herë të parë këtë vepër e kam lexuar si fëmijë, sepse ka qenë si lektyrë shkollore. U riktheva në rileximin e kësaj vepre pas shumë vitesh, në vitin 2013-të, vepra e njejtë por botëkuptimi ishte më ndryshe. Kjo vepër është monument për Gjakovën dhe shqiptarët. Nga leximi i saj e sheh se si ka lindur kënga, besimet fetare, arkitektura dhe identiteti i vendit tonë. “Shënimet e Gjon Nikollë Kazazit” nga Jusuf Buxhovi është tregimi më i mirë i shkruar në gjuhën shqipe. “Krenar çdo ditë për njerëzit e jashtëzakonshëm të qytetit tonë” u shpreh ndër të tjera Kryetari i Komunës, Ardian Gjini.

 

Në Gjakovë përfundon me sukses stërvitja ''Defender Europe 21'' 28.05.20210

Në Gjakovë përfundon me sukses stërvitja ''Defender Europe 21''

Në Kosovë, konkretisht në Babaj të Bokës në Gjakovë, po zhvillohet këto ditë stërvitja ushtarake “Defender Europe 21” nën drejtimin e ushtrisë amerikane. “Ndjenjë jashtëzakonisht e veçantë të shoh nga afër këtë stërvitje, pjesë e së cilës në mesin e 28 mijë ushtarëve nga 27 vende të ndryshme, janë edhe njësitë e veçanta të Forcës së Sigurisë së Kosovës” u shpreh ndër të tjera Kryetari Gjini. “Defender 21 Europe” është një mundësi historike për vendin tonë, pasiqë për herë të parë Kosova është ndër vendet nikoqire të stërvitjes së këtij niveli. Një ushtrim si ky drejtohet nga ushtria e Shteteve të Bashkuara për Evropë dhe Afrikë dhe qëllim kryesor ka rritjen e ndërveprueshmërisë ndërmjet SHBA-ve dhe vendeve partnere si dhe ngritjen e gatishmërisë operacionale.

RSS
1345678910Last

Theme picker