Banorët e fshatrave Raqë, Nec dhe Bec janë bërë me rrugë të reja, tejet të nevojshme për përmirësimin e mirëqenies së tyre.
Tri projektet infrastukturore të përuruara sot, janë poashtu të rëndësishme për faktin se lidhin mes vete lagje dhe rajone të ndryshme të Gjakovës.
Gjatë inaugurimit të këtyre projekteve, Kryetari Gjini ka thënë se po punohet në projekte infrastrukturore nëpër fshatra të ndryshme të komunës. “Situata me pandeminë na ka krijuar vështirësi sa i përket dinamikës së punimeve. Megjithatë, jemi në rrugë të mirë dhe kohën e humbur do ta kompensojmë duke punuar në mënyrë intensive gjatë verës” është shprehur ndër të tjera ai.