Parku dhe këndi për grumbullimin e mbeturinave në rrugën “Besim Bishtazhini”është investim i bashkëfinancuar nga projekti “Demos” dhe komuna e Gjakovës. Vlera e përgjithshme e investimeve nga projekti "Demos" me bashkëfinancim të komunës për vitin 2015 ka qenë 130,000 €, ndërsa ky projekt është vendosur nga Kryetarja si vazhdimësi e mjeteve të mbetura në një vlerë prej 13 mijë eurosh. Ky park që dikur ka qenë një deponi e egër e mbeturinave, tashmë është vënë në funksion të plotë të banorëve të lagjes, të cilët janë shprehur falënderues për komunën e Gjakovës dhe partnerët e vet zviceran, pasi që parku e ka ndryshuar tërësisht pamjen e kësaj lagjeje.